Վրաստանի խորհրդարանը հինգշաբթի երրորդ և վերջին ընթերցմամբ ընդունել է «Հանրային առողջության մասին» օրենքում փոփոխությունները, համաձայն որոնց ՝ պետությունը պարտավորվում է փոխհատուցել կորոնավիրուսի դեմ պատվաստման ընթացքում մարդուն պատճառված վնասը: Լիագումար նիստը ուղիղ հեռարձակվել է օրենսդիր մարմնի կայքում, գրում է ՏԱՍՍ գործակալությունը:
«Պետության պատասխանատվությունը տարածվում է Վրաստանում գտնվող բոլոր դեղերի և պատվաստանյութերի վրա: Այս առումով բացառություն է եղել կորոնավիրուսի դեմ պատվաստանյութը: Հետևաբար, կատարվել են տրամաբանական փոփոխություններ, որոնք ազդելու են նաև կորոնավիրուսի դեմ պատվաստումների գործընթացին», – լրագրողների հետ զրույցում ասել է Առողջապահության նախկին նախարար, Վրաստանի խորհրդարանի պատգամավոր Դավիթ Սերգեենկոն:
Պետությունը պատրաստ է պատասխանատվություն կրել պատվաստանյութից հնարավոր վնասների համար, բացի այն դեպքերից, երբ պատվաստումների ընթացքում կատարվել է բժշկական սխալ կամ անձին վնաս պատճառվել է արտադրանքի արտադրողի կամ ներմուծողի մեղքով: Վնասի հատուցման ձևերն ու կարգը որոշվելու են կառավարության առանձին որոշմամբ:
.gif)
