Սյունիքի մարզպետի բնակարաններն ու հողամասերը. ինչ ունեցվածք ունի Մելիքսեթ Պողոսյանը

Սյունիքի մարզպետ Մելիքսեթ Պողոսյանը Գորիս քաղաքում ունի մեկ հողամաս, ինչպես նաև երկու անշարժ գույք՝ կրկին Գորիսում, Տեղ համայնքում երեք հողամաս, չորս ավտոմեքենա,՝ երկուսը բեռնատար՝ 1990 և 1991 թվականների արտադրության, երկուսը մարդատար՝ 2011 և 2012 թթ. արտադրության: Այս մասին տեղեկանում ենք նորանշանակ մարզպետի հայտարարագրից, որը նա ներկայացրել է Կոռուպցիայի կանխարգելման հանձնաժողովին:

Հայտարարագրից նաեւ տեղեկանում ենք, որ Պողոսյանը բանկային հաշվին ունի 1 մլն 400 հազար դրամ, կանխիկ՝ 20 մլն դրամ, ՊՆ-ից որպես կենսաթոշակ ստանում է տարեկան 1 մլն 926 հազար դրամ, իսկ որպես աշխատանքի վարձատրություն ՀՀ աշխատանքի և սոցիալական հարցերի նախարարությունից ստացել է 406 հազար դրամ: Նրա կինը՝ Ալվարդ Պետրոսյանը, 2011-ին ձեռք է բերել բնակարան Երևանի Էրեբունի համայնքում, 2020 թվականին ձեռք է բերել 2012 թվականի «Տոյոտա» մակնիշի ավտոմեքենա, բանկային հաշվին 100 հազար դրամ ունի, կանխիկ՝ 2 մլն դրամ, որպես թոշակ ստանում է տարեկան 318 հազար դրամ:

Իսկ որդին՝ Կարեն Պողոսյանը, ըստ իր հայտարարագրի, Գորիս քաղաքում 10 հասարակական նշանակության շինության միանձնյա սեփականատեր է, որից ութը ձեռք է բերել 2018-ին: Ունի երկու մեքենա՝ «Օփել» մակնիշի՝ 2000 թվականի արտադրության, որը ձեռք է բերել 2017-ին, և «Տոյոտա»՝ 2015-ի արտադրության, որը ձեռք է բերել 2020-ին: