Աթենքում ոստիկանությունը արցունքաբեր գազով է ցրել ցուցարարներին

Հունաստանի մայրաքաղաք Աթենքում կառավարության կոշտ տնտեսական միջոցառումների դեմ բողոքող ցուցարարները քարեր են նետել ոստիկանության աշխատակիցների վրա, որի հետեւանքով վերջիններս ստիպված են եղել արցունքաբեր գազ օգտագործել: Երկրում  փակվել են բոլոր պետական հաստատությունները եւ ընկերությունները: Գործադուլին մասնակցում են նաեւ բժիշկները, ուսուցիչները եւ դասախոսները: Գործադուլի պատճառով Հունաստանում հետաձգվել է 500 ավիաչվերթ: