Իսպանիայի ֆուտբոլի ֆեդերացիան հայտարարել է, որ Բասկերի երկրի համար անհնար կլինի կատարել նոր ներկայացված կառավարության արձանագրությունները, որոնք թույլ կտան երկրպագուներին այս ամռանը ներկա գտնվել Բիլբաոյի մարզադաշտերում Եվրո-2020-ին։
«Մենք ստացանք այն պահանջների ցուցակը, որոնք Բասկերի կառավարությունը դրել էր երկրպագուների ներկայության վերաբերյալ, և հարկադրված ենք նշել Իսպանիայի ֆուտբոլի ֆեդերացիայի կողմից դրանց ընդունման անհնարինությունը: Մինչև հունիսի 14-ը Բիլբաոյի և Իսպանիայի բնակչության 60%-ին պատվաստելու պահանջը չի կարող բավարարվել, հետևաբար՝ հանդիպումները պետք է անցկացվեն դատարկ տրիբունաներով: Այսպիսով, Իսպանիայի ֆուտբոլի ֆեդերացիան պատասխանատվություն չի կրելու այն որոշման համար, որը ՈՒԵՖԱ-ն կկայացնի այս փաստաթուղթը վերլուծելուց հետո», – նշել է ֆեդերացիայի մամուլի ծառայությունը:
Մինչ այս հաղորդվել էր, որ ՈՒԵՖԱ-ն կարող է Եվրոպայի առաջնության քաղաքների ցանկից բացառել նաև Դուբլինը և Գլազգոն: Այս քաղաքները դեռ երաշխիքներ չեն տրամադրել երկրպագուների քանակի վերաբերյալ, որոնք կարող են մարզադաշտերն ընդունել մինչ հունիս: ՈւԵՖԱ-ն ցանկանում է երկրպագուների նվազագույն՝ 50 տոկոս ներկայություն Եվրոպայի առաջնության մարզադաշտերում: Իսկ Բիլբաոյի, Դուբլինի և Գլազգոյի պաշտոնյաները դեռ չեն հայտարարել այս պահանջը կատարելու պատրաստակամության մասին:
.gif)
