ՏԵՍԱՆՅՈՒԹ. «Ավտոյիս պերեդոկը թողեցի փոսի մեջ». վարորդները դժգոհում են ճանապարհներից

Երեւանյան ճանապարհների փոսերը իսկական գլխացավանք են դարձել վարորդների համար: ArmLur.am-ը չի դադարում վարորդներից դժգոհություններ ստանալ անորակ ասֆալտի ու ճանապարհների փոսերի վերաբերյալ: Նրանք նաեւ բողոքում են, որ դրանք մեքենայի վնասման պատճառ են դառնում:

Բացի այս, ճանապարհի երթեւեկելի հատվածի խորը փոսերը վթարային իրավիճակներ են ստեղծում։

Մեր հանրապետության ավտոճանապարհների ասֆալտն ընդամենը մեկ սեզոն է դիմանում: Երեւանում թե ով է պատասխանատու քանդած ճանապարհի պատճառով գրանցված վթարի համար, միայն դատական փորձաքննությամբ է պարզվում:

Բայց շատ հաճախ վարորդները ավելորդ քաշքշուկներից խուսափելու համար, չեն դիմում դատարան, այլ նախընտրում են իրենց սեփական միջոցներով նորոգել ավտոմեքենան, քան այն պահանջել Երեւանի քաղաքապետարանից:

Մանրամասները՝ տեսանյութում

Սյունէ Համբարձումյան, Հովսեփ Հովսեփյան