Բելառուսի նախագահ Ալեքսանդր Լուկաշենկոն ստորագրել է փոփոխություններ, որոնք իրավապահներին զենք և հատուկ միջոցներ օգտագործելու իրավունք են տալիս՝ «հաշվի առնելով առկա իրավիճակը»: Այս մասին հայտնում է БелТА- ն:
Խոսքը «Բելառուսի ազգային անվտանգության ապահովման մասին» օրենքում փոփոխություններ կատարելու մասին է:
«Կոնկրետացվում են քաղաքացիների անձնական զննություն կատարելու, նրանց մոտ եղած իրերի և տրանսպորտային միջոցների ստուգման հիմքերը: Օրինակ ՝ ձերբակալման ժամանակ հնարավոր է դառնում նման խուզարկություն իրականացնել», – ասվում է տեքստում:
Այս փաստաթուղթը նաև փոփոխություններ է մտցնում ներքին գործերի մարմինների և մի շարք այլ իրավապահ մարմինների և ռազմականացված կազմակերպությունների գործունեությունը կարգավորող օրենքներում:
Փոփոխությունները հստակեցնում են ֆիզիկական ուժի, հատուկ միջոցների, զենքի, ռազմական և հատուկ տեխնիկայի օգտագործման պայմաններն ու սահմանները: Փաստաթղթից հետևում է, որ իրավապահները պատասխանատվություն չեն կրում դրանց օգտագործման հետևանքով պատճառված վնասի համար, եթե դա իրականացվել է այդ մարմինների գործունեությունը կարգավորող օրենսդրական ակտերի պահանջներին համապատասխան: Բացի այդ, ներքին գործերի մարմիններն այժմ իրավունք ունեն օգտագործելու ռազմական ու հատուկ սարքավորումներ մասսայական անկարգությունները ճնշելու գործում:
.gif)
