Ռուսաստանի Դաշնության նախագահ Վլադիմիր Պուտինը և Չինաստանի նախագահ Սի Ցզինպինը չորեքշաբթի օրը սկսել են Չինաստանի Տյանվանի ատոմակայանի (ԱԷԿ) յոթերորդ և ութերորդ բլոկների և «Սյույդապու» ատոմակայանի երրորդ և չորրորդ բլոկների կառուցումը: Երկու երկրների ղեկավարները մասնակցել են այդ հանդիսավոր արարողությանը տեսակոնֆերանսի միջոցով:
Համապատասխան ատոմակայանների ղեկավարները զեկուցել են աշխատանքներ սկսելու իրենց պատրաստակամության մասին և խնդրել են Սի Ցզինպինին թույլատրելու երկու էլեկտրակայանների էներգաբլոկների կառուցումը: ՉԺՀ նախագահը տվել է համապատասխան հրահանգ՝ «Սկսեք»:
«Ռոսատոմ» պետական կորպորացիայի ղեկավար Ալեքսեյ Լիխաչովը նմանատիպ զեկույցով դիմել է Պուտինին տեսակապի միջոցով, իսկ ՌԴ նախագահը տվել է «Սկսեք աշխատանքը» հրամանը: Դրանից հետո ցուցադրվել է բետոնի մատակարարման հեռարձակումը Տյանվանի ԱԷԿ-ի թիվ 7 և թիվ 8 էներգաբլոկների տեղամասերում և «Սյույդապու» ԱԷԿ-ի թիվ 3 և թիվ 4 էներգաբլոկներում:
.gif)
