«Ժողովուրդ» օրաթերթը գրում է․ ««Ժողովուրդ» օրաթերթի տեղեկությունների համաձայն՝ մինչեւ Գեղարքունիքի եւ Սյունիքի մարզերում սահմանային լարված իրավիճակ է, ԱԺ «Իմ քայլը» խմբակցությունը, կտրված իրականությունից, ՀՀ հանրային ծառայությունները կարգավորող հանձնաժողովի անդամի փնտրտուքի մեջ է: Ըստ մեր տեղեկությունների՝ երեկ իմքայլականները խմբակցության նիստ են հրավիրել, որի ընթացքում քննարկել են թեկնածուներից որեւէ մեկին ընտրելու հարցը:
Մեր տեղեկություններով՝ ՀԾԿՀ անդամի համար առաջադրվել է չորս թեկնածու: Երեկ՝ նիստի ժամանակ, քննարկվել է Ռազմիկ Խաչատրյանի, Ռուբեն Եղոյանի, Կարեն Մարգարյանի եւ Սերգեյ Աղինյանի թեկնածությունը: Մենք տեղեկացանք, որ իմքայլականների մեծամասնությունը ոչ ոքի չեն էլ ճանաչել, պարզապես պատգամավորներին ուղարկվել են թեկնածուների կենսագրական տվյալները, ու վերջիններս, դրա հիման վրա, պետք է որոշեն՝ ում են ընտրելու՝ որպես թեկնածու։ Կարելի է ասել՝ ինչպես միշտ, իշխանական ֆրակցիայի ներկայացուցչները բանից անտեղյակ են, ապրում են հետեւյալ սկզբունքով՝ «վերեւները» ինչպես կորոշեն, իրենք այդպես էլ կքվեարկեն: Նշենք, որ մայիսի 25-ին խորհրդարանում մեկնարկելու է հերթական նստաշրջանը, ու այդ ժամանակ էլ իմքայլականները կընտրեն ՀԾԿՀ անդամին: Հիշեցնենք, որ դեռեւս ապրիլի 13-ին «Իմ քայլը» խմբակցությունը տապալեց իր կողմից առաջադրված՝ Հանրային ծառայությունները կարգավորող հանձնաժողովի (ՀԾԿՀ) անդամի թեկնածուի ընտրությունը։ «Իմ քայլը» ՀԾԿՀ թափուր անդամի համար առաջադրել էր Լեւոն Բունիաթյանի թեկնածությունը, որին կողմ էին 13-ը: Իմքայլականները նորից են փորձում»:
Մանրամասները՝ «Ժողովուրդ» օրաթերթի այսօրվա համարում։
.gif)
