Մադրիդի «Ռեալը», «Բարսելոնան» ու Թուրինի «Յուվենտուսը» կարող են դուրս մնալ Չեմպիոնների լիգայից, հայտարարել է ՈՒԵՖԱ-ի գլխավոր քարտուղար Թեոդորոս Թեոդորիդիսը: «Դա հավանական է: Եթե նրանք չպահպանեն կանոնները, կարող են դուրս մնալ: Դա կախված է իրենցից: Հարկ է նշել, որ մնացած բոլոր ակումբներն ընդունել են կանոնները: Ես կցանկանայի ինչ-որ բան պարզաբանել, որովհետև այնտեղ սխալ մեկնաբանություն եղավ։ Սա չի լինի նախագահի անձնական որոշում: Դա ՈՒԵՖԱ-ի կամ ՈՒԵՖԱ-ի գործադիր կոմիտեի հետ ոչ մի կապ չի ունենա: Ոչ նախագահը, ոչ էլ ես չեմ կարող ազդել դատական համակարգի աշխատանքի վրա», – Թեոդորիդիսին մեջբերում է Marca-ն:
Ինչպես հայտնի է, ՈւԵՖԱ-ն կարգապահական պատասխանատվության է ենթարկել «Յուվենտուսի», «Ռեալի» և «Բարսելոնայի» դեմ Սուպեր լիգայի նախագծի հետ կապված կազմակերպության իրավական դաշտի հնարավոր խախտման համար:
.gif)
