Ղրղզստանն ու Տաջիկստանը պայմանավորվել են զորքերը ետ քաշել սահմաններից

Ղրղզստանը և Տաջիկստանը պայմանավորվել են սահմանին իրավիճակի խաղաղ կարգավորման շուրջ, ըստ այդմ, սահմաններից ետ են քաշվում բոլոր ստորաբաժանումների՝ բացառությամբ կանոնավոր սահմանային պարեկների: Այս մասին ասվում է Ղրղզստանի և Տաջիկստանի պետական ​​սահմանների սահմանազատման և սահմանանշման միացյալ պետական ​​հանձնաժողովի նիստից հետո ստորագրված արձանագրությունում, որը շաբաթ օրը հրապարակել է Ղրղըզստանի կառավարությունը։

Նշվում է, որ երկու երկրների հանձնաժողովի համանախագահները քննարկել են Քարամիկ սահմանային կետի տարածքում ստեղծված իրավիճակը և «միաձայն հայտարարել են որ բոլոր հարցերը պետք է լուծվեն բացառապես խաղաղ ճանապարհով »: Ստորագրած արձանագրությունը վերաբերում է «յուրաքանչյուր կողմում 3 կմ դեպի ներքև սահմանային կետերը ետ քաշելու» որոշմանը, ինչպես նաև զորքերն ու ռազմական տեխնիկան «իրենց մշտական ​​տեղակայման վայրեր դուրս բերման և միայն կանոնավոր սահմանապահ պարեկներ թողնելուն »:

Որոշում է կայացվել, որ պետական ​​սահմանին ցանկացած գործողություն պետք է նախապես համաձայնեցված լինի կողմերի համանախագահների հետ:

Հիշեցնենք,ապրիլի 28-ին Տաջիկստանի և Ղրղզստանի բնակիչների միջև հակամարտություն սկսվեց, որը ապրիլի 29-ին վերաճեց զինված բախումների երկու երկրների զինծառայողների միջև: Հաղորդվել էր երկու կողմերից տասնյակ զոհերի և հարյուրավոր վիրավորների մասին:

Տաջիկստանի և Ղրղզստանի սահմանի երկարությունը մոտ 980 կմ է։ Սահմանային վիճելի հատվածների խնդիրներն առաջ են եկել Խորհրդային Միության փլուզումից հետո։