Արարատ Միրզոյանին տարբեր մարդիկ են հանդիպել. նա շատ կտրուկ փոխվել է.«Ժողովուրդ»

«Ժողովուրդ» օրաթերթը գրում է.
«Ժողովուրդ» օրաթերթի լավատեղյակ աղբյուրները փոխանցում են, որ իշխանության վերնախավը վերջին օրերին ամեն ինչ արել է, որ ԱԺ նախագահ Արարատ Միրզոյանը եւս միանա իրենց քարոզարշավին ու անպայման ելույթներ ունենա: Ըստ մեր տեղեկությունների՝ բավականին երկար ժամանակ տարբեր մասնագետներ են աշխատել Միրզոյանի հետ, որ նա նախ հանրության հետ սկսի շփվել, փողոց դուրս գալ, ապա խոսի:

Նշենք, որ նոյեմբերի 9-ին լույս 10-ի գիշերը երբ հայտնի դարձավ, որ Նիկոլ Փաշինյանը Արցախը հանձնելու համաձայնագիր է ստորագրել, խորհրդարանի հարակից տարածքում Միրզոյանին մի խումբ անձինք դաժանաբար ծեծի էին ենթարկել:

Վերջինս մի քանի վիրահատություն էր տարել, վերադարձել էր խորհրդարան, բայց կտրականապես իշխանության հետ ինչ-որ միջոցառումների չէր մասնակցում եւ մինչեւ հիմա էլ ոչ մի լրագրողի հարցի չի պատասխանել:

Ըստ մեր տեղեկությունների՝ Արարատ Միրզոյանը խզել է նաեւ իր փոխհարաբերությունները իր թիմակիցների հետ, նրանցից որեւէ մեկին անգամ թիկունք չեղավ ՔՊ նախընտրական ցուցակում ընդգրկվելու համար: Միրզոյանը շատ կտրուկ փոխվել է, որեւէ ձեւով որեւէ մեկը նրա վարքագիծը չի հասկանում:

Ավելի մանրամասն՝ «Ժողովուրդ» օրաթերթի այսօրվա համարում։