Հունաստանը չեղարկել է ՀՀ քաղաքացիների համար մուտքի սահմանափակումները

Հունաստանը ևս 5 երկրի քաղաքացիների համար չեղարկել է կորոնավիրուսի պանդեմիայով պայմանավորված սահմանափակումները երկիր մուտք գործելու համար։ Այդ երկրների թվում է նաև Հայաստանը։

Սահմանափակումների չեղարկումը վերաբերում է նաև Ադրբեջանի, Հորդանանի, Մոլդովայի և Բրունեյի քաղաքացիներին, գրում է Greek City Times-ը։

Այդ երկրներից ժամանողները պետք է ունենան անգլերեն լեզվով հավաստագիր, որ նրանք պատվաստվել են Հունաստան ժամանելուց առնվազն 14 օր առաջ, կամ, որպես այլընտրանք, կորոնավիրուսի առկայության բացասական թեստ՝ արված ժամանումից առաջ 72 ժամվա ընթացքում, կամ բացասական էքսպրես թեստ՝ արված Հունաստան ժամանելուց առաջ 48 ժամվա ընթացքում։