Մեսսին «Բարսելոնայի» պատմությունն է և պետք է մնա ակումբում. Ռոնալդինյո

«Բարսելոնայի» նախկին ֆուտբոլիստ Ռոնալդինյոն կարծում է, որ Լիոնել Մեսսին պետք է շարունակի խաղալ կատալոնական ակումբում:

«Հուսով եմ, որ «Բարսելոնան» կլուծի բոլոր խնդիրները։ Մեսսին պետք է մնա ակումբում, նա ակումբի պատմությունն է»,- Ռոնալդինյոյի խոսքերն է փոխանցում Tuttomercatoweb-ը։

Հիշեցնենք, սր Մեսսիի պայմանագիրն ակումբի հետ ավարտվել է հունիսի 30-ին, սակայն դեռ վերջնական ոչինչ լուծված չէ: Նախորդ մրցաշրջանում Մեսսին Իսպանիայի առաջնության 35 հանդիպման է մասնակցել, որոնցում դարձել է 30 գոլի և 11 գոլային փոխանցման հեղինակ։