Ռուսական անձնագրերում դեռևս չի նախատեսվում նշում կատարել ազգության մասին

Ներկայումս Ռուսաստանի Դաշնության անձնագրերում չի նախատեսվում «Ազգության» մասին նշման համար նախատեսված բաժնի վերականգնումը։ Այս մասին հայտնում են ՌԴ ՆԳ նախարարության մամուլի ծառայությունից։ Հայտարարության մեջ մասնավորապես ասված է, որ ՌԴ գործող օրենսդրության մեջ նման բան չի նախատեսվում։

Նշենք, որ «Ազգության» նշման համար նախատեսված բաժինը վերադարձնելու առաջարկն արել էր Պետդումայի պատգամավոր Վիտալի Միլոնովը դեռ անցյալ տարի։ Նա հայտարարել էր, որ նման քայլը կարող էր խոսել այն մասին, որ ռուսական հասարակությունն իրականում բաց հասարակություն է եւ հաղթահարել է ազգայնական նախապաշարմունքները։