Ճիշտն ասած ես ուղիղ եթերով ավագանու նիստ էի վարում, բայց լսել եմ եմ, որ Սոթքի հատվածում է եղել միջադեպը, բնակիչներն էլ ուժգին գմբոց են լսել, ուրիշ տեղեկույթուններ դեռ չունեմ: Այս մասին ArmLur.am-ի հետ զրույցում նշեց Գեղամասար խոշորացված համայնքի ղեկավար Հակոբ Ավետյանը՝ անդրադառնալով տեղեկություններին, թե Գեղարքունիքի ուղղությամբ հակառակորդը փորձել է առաջանալ, սակայն այդ փորձը կասեցվել է:
Հիշեցնենք, որ հուլիսի 30-ին Վարդենիս քաղաքի ուղղությամբ հայկական կողմը ադրբեջանական զինված ուժերին պատկանող Aerostar անօդաչու սարք էր խոցել, իսկ ավելի վաղ՝ հուլիսի լույս 28-ի գիշերը և առավոտյան մարտական գործողություններ էին ծավալվել հայ-ադրբեջանական սահմանի Սոթքից մինչև Վերին Շորժա հատվածում։ Հայկական կողմն այդ օրը հաղորդել էր 3 զոհի և 4 վիրավորի, ադրբեջանական կողմը՝ 2 վիրավորի մասին: Ռուսաստանի խաղաղապահ զորքերի հրամանատարության միջնորդությամբ պայմանավորվածություն էր ձեռք բերվել հրադադարի ռեժիմը վերականգնելու վերաբերյալ։ Հուլիսի 28-ի ժամը 10։40-ից հաստատվել էր հրադադար, որը, սակայն, ադրբեջանական կողմը պարբերաբար խախտում է։
Լիդա Եղիազարյան
.gif)
