Ազգային ժողովի Քաղաքացիական պայմանագիր խմբակցության պատգամավոր Վահագն Ալեքսանյանը Կոռուպցիայի կանխարգելման հանձնաժողով չի ներկայացրել իր գույքի եւ ունեցվածքի մասին հայտարարագիրը։ «Հանրային ծառայության մասին» օրենքով պաշտոնատար անձինք պետք է սահմանված ժամկետում ներկայացնեն իրենց հայտարարագրերը, սակայն փաստորեն իշխող խմբակցության անդամը խախտել է օրենքը։
Ընդ որում, նկատենք Կոռուպցիայի կանխարգելման հանձնաժողովը օրինախախտների ցանկը հրապարակել է երկու փուլով, խոսքը 500-ից ավելի անձանց մասին է եւ նրանց թվում միայն Վահագն Ալեքսանյանն է պատգամավոր։
Իսկ ինչ է սպասվում նրան. սահմանված ժամկետում հայտարարագրերը չներկայացնելու հիմքով հարուցվելու են վարչական իրավախախտման վերաբերյալ գործեր, որոնց արդյունքում կարող է կիրառվել վարչական տույժ՝ նվազագույն աշխատավարձի երկուհարյուրապատիկի (200 000 դրամի) չափով: Տեսնենք` արդյոք օրենքը արդյոք կազդի այս դեպքում, թե կշրջանցի իշխանական պատգամավորին։
Մանրամասները՝ տեսանյութում
.gif)
