ՏԵՍԱՆՅՈՒԹ. Ավտոմատով էլ են կրակել, դեշեկայով էլ. ինչպես է անցել գիշերը Կութում

ArmLur.am-ը զրուցել է Գեղարքունիքի մարզի Կութ համայնքի ղեկավար Սիմա Չիթչյանի հետ՝ պարզելու համար՝ ինչպես է անցել գիշերը սահմանին:

Հիշեցնենք, որ երեկ ժամը 18:10-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի` տարբեր տրամաչափի հրաձգային զինատեսակներից կրակ բացելով հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ: Այս մասին հայտնում են ՀՀ պաշտպանության նախարարությունից:

Ծավալված ինտենսիվ փոխհրաձգության հետևանքով հակառակորդի կրակոցից մահացու հրազենային վիրավորում է ստացել ՀՀ ԶՈւ N զորամասի զինծառայող, 2002թ. ծնված, շարքային Արման Հովհաննեսի Հակոբյանը:

Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին:

Հայկական կողմի ձեռնարկած պատասխան գործողությունների արդյունքում հակառակորդն ունի առնվազն երեք զոհ և վիրավոր:

Մանրամասները՝ ArmLur.am-ի տեսանյութում:

Լիդա Եղիազարյան