Ֆուտբոլի Հայաստանի ազգային հավաքականի գլխավոր մարզիչ Խոակին Կապառոսը լրագրողների հետ հանդիպմանն ուղիղ եթերում հրապարակել է թիմի կազմը Հյուսիսային Մակեդոնիայի (սեպտեմբերի 2), Գերմանիայի (սեպտեմբերի 5) ու Լիխտենշտեյնի (սեպտեմբերի 8) հավաքականների հետ ԱԱ-2022-ի ընտրական փուլի եվրոպական գոտու մրցաշարի J խմբի առաջիկա խաղերի համար:
Ցուցակում ընդգրկվել է նաև Հայաստանի հավաքականի ավագ, իտալական «Ռոմայի» կիսապաշտպան Հենրիխ Մխիթարյանը, որն իսպանացի մասնագետի որոշմամբ չէր հրավիրվել ազգային թիմի նախորդ հավաքին:
Տևական ընդմիջումից հետո Հայաստանի հավաքական է վերադարձել «Փյունիկ» վերադարձած Էրիկ Վարդանյանը, ինչպես նաև առաջին անգամ ազգային թիմ է հրավիրվել Ռուսաստանի Առաջին դիվիզիոնում հանդես եկող Կալինինգրադի «Բալտիկայի» կիսապաշտպան Իշխան Գելոյանը:
Դարպասապահներ. Դավիթ Յուրչենկո, Արսեն Բեգլարյան, Անատոլի Այվազով:
Պաշտպաններ. Հովհաննես Համբարձումյան, Կամո Հովհաննիսյան, Վարազդատ Հարոյան, Անդրե Կալիսիր, Արման Հովհաննիսյան, Տարոն Ոսկանյան, Հրայր Մկոյան, Դավիթ Տերտերյան:
Կիսապաշտպաններ. Հենրիխ Մխիթարյան, Տիգրան Բարսեղյան, Դավիթ Դավիդյան, Արտակ Գրիգորյան, Վբեյմար Անգուլո, Վահան Բիչախչյան, Խորեն Բայրամյան, Սոլոմոն Ուդո, Էդաուրդ Սպերցյան, Ժիրայր Շաղոյան, Արտյոմ Ավանեսյան:
Հարձակվողներ. Սարգիս Ադամյան, Ալեքսանդր Կարապետյան, Արշակ Կորյան, Էրիկ Վարդանյան, Իշխան Գելոյան:
Հիշեցնենք, որ ԱԱ-2022-ի ընտրական մրցաշարի մեկնարկային 3 տուրերում Հայաստանի հավաքականը հաղթել է Լիխտենշտեյնին (1:0), Իսլանդիային (2:0), Ռումինիային (3:2) և 9 միավորով J խմբի առաջատարն է: Գերմանիան ու Հյուսիսային Մակեդոնիան ունեն 6-ական միավոր, Ռումինիան ու Իսլանդիան՝ 3-ական, իսկ Լիխտենշտեյնը կրել է 3 պարտություն:
.gif)
