Սառնարանի խցիկում հայտնաբերվել են մեծ քանակությամբ բջջային հեռախոսներ

Հայաստանի Հանրապետության արդարադատության նախարարության «Արմավիր» քրեակատարողական հիմնարկի ծառայողները, օգոստոսի 30-ին, ժամը 17։00-ի սահմաններում, իրացնելով օպերատիվ տվյալները, զննության են ենթարկել Հ․ Ս․-ի կողմից ընկերոջ՝ դատապարտյալ Կ․ Չ․-ի անվամբ բերված սառնարանը։

Քրեակատարողական ծառայությունից տեղեկացնում են, որ զննության արդյունքում սառնարանի խցիկում պատրաստված թաքստոցից հայտնաբերել են կպչուն ժապավենով պարուրված մեծ թվով արգելված իրեր՝ 22 բջջային հեռախոս, 7 բաժանորդային քարտ, 1 wi-fi սարք, USB 1 լար և 1 ականջակալ։

Փաստի առթիվ նախապատրաստվում են նյութեր։