Եռամսյա հավաքների մասնակիցների ինտենսիվ մարզումները շարունակվում են։ ՀՀ պաշտպանության նախարար Արշակ Կարապետյանը, հետևելով մարզումների ընթացքին, եռամսյա հավաքների մասնակիցներին կոչ է արել անել հնարավորը՝ վերապատրաստման գործընթացն առավել արդյունավետ իրականացնելու համար:
«Զինուժ մեդիան» փոխանցում է, որ, այդ մասին նա հայտարարել է հավաքներին մասնակցող պահեստազորայիններին այցելելու ժամանակ: Կարապետյանը հիշեցրել է, որ Հայաստանի զինված ուժերը սահմանների անվտանգության երաշխավորներն են, եւ նրանց մարտական պատրաստությունից է կախված երկրի խաղաղ ապագան:
«Մենք պետք է սովորենք, որ անհրաժեշտության դեպքում կարողանանք պաշտպանել մեր երկիրը։ Բացի մեզանից, ոչ ոք չի պաշտպանի, մնացածը լավագույն դեպքում կարող են օգնել։ Մեր երկրի պաշտպանները մենք ենք»,- ընդգծել է պաշտպանական գերատեսչության ղեկավարը։
Մանրամասները՝ «Զինուժի» տեսանյութում:
.gif)
