Թուրքիայի Եվրամիության հետ կապերի գծով նախարար Էգեմեն Բաղըշը մամուլի ասուլիսում հայտարարել է, որ Թուրքիայի միակ նպատակը ԵՄ լիիրավ անդամակցությունն է, եւ որեւէ այլ նպատակ Թուրքիան չի հետապնդում: Եվրոպական հանձնաժողովը կոչ է արել ԵՄ-ին շարունակել Թուրքիայի հետ բանակցությունները, սակայն նշել է, որ ոչ մի առաջընթաց անցած տարվանից չի գրանցվել: ԵՄ անդամակցությանը ձգտող երկրների տարեկան զեկույցում, Եվրոպական հանձնաժողովը քննադատության է ենթարկում Թուրքիային այն բանի համար, որ վերջինս ոչինչ չի անում Կիպրոսի հետ իր հարաբերությունները կարգավորելու համար:Հիշեցնենք, որ Ֆրանսիայի նախագահ Նիկոլա Սարկոզին Երեւան կատարած այցելության ժամանակ հայտարարել էր, որ ԵՄ-ն Թուրքիայի տեղը չէ:
.gif)
