Սարկոզին դատապարտվել է մեկ տարվա ազատազրկման

Փարիզի դատարանը Ֆրանսիայի նախկին նախագահ Նիկոլա Սարկոզիին մեկ տարվա ազատազրկման է դատապարտել։ Նրան մեղավոր են ճանաչել 2012 թ. նախագահական ընտրություններին նախընտրական քարոզարշավի ժամանակ ապօրինություններ գործելու համար՝ փոխանցում է РИА Новости-ն:

Դատարանը եզրահանգել է, որ Սարկոզին շարունակել է նախընտրական հանրահավաքները՝ չնայած օրենքով սահմանված սահմանաչափերի գերազանցմանը: Ընտրաշավի համար ծախսվել էր ավելի քան 42 միլիոն եվրո՝ օրենքով թույլատրելի 22 միլիոն եվրոյի փոխարեն:

Սարկոզին կենթարկվի տնային կալանքի՝ պատիժը կրելով էլեկտրոնային ապարանջանով:

Ֆրանսիայի նախկին նախագահի փաստաբան Թիերի Էրզոգը հայտարարել է, որ Սարկոզին կբողոքարկի պատիժը