ՏԵՍԱՆՅՈՒԹ. Դատարանը որոշում է կայացրել Վլադիմիր Գասպարյանի եւ ՀՀ գլխավոր դատախազության միջեւ առաջացած վեճի գործով

Դատարանը որոշում է կայացրել ՀՀ նախկին ոստիկանապետ Վլադիմիր Գասպարյանի եւ ՀՀ գլխավոր դատախազության միջեւ առաջացած վեճի գործով:

ArmLur.am-ին հայտնի դարձավ, որ Գլխավոր դատախազության ապօրինի ծագում ունեցող գույքի բռնագանձման գործերով վարչության դեմ Վլադիմիր Գասպարյանի, Սուսաննա Գասպարյանի, Անժելա Գասպարյանի, Անգելինա Գասպարյանի, Հեղուշ Գալստյանի, Վլադիմիր Գասպարյանի Հայրապետյանի կողմից ներկայացված պահանջը վերահասցեագրել Երևան քաղաքի ընդհանուր իրավասության առաջին ատյանի դատարան:

Հիշեցնենք, որ ՀՀ նախկին ոստիկանապետ Վլադիմիր Գասպարյանը, ինչպես նաեւ նրա ընտանիքի անդամներ Սուսաննա Գասպարյանը, Անժելա Գասպարյանը, Անգելինա Գասպարյանը, Հեղուշ Գալստյանը եի Վլադիմիր Գասպարյանը դատի են տվել ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչության դատախազին:

Նրանք պահանջում են, որ դատարանը ստիպի 06.09.2021թ. թիվ 22-2-20 գրությունն անվավեր ճանաչի և հայցվորներին գույքի ձեռքբերման պահին շուկայական արժեքների վերաբերյալ տեղեկություններ տրամադրելուն պարտավորեցնի:

Հիշեցնենք, որ ՀՀ երրորդ նախագահ Սերժ Սարգսյանի եղբոր` Լևոն Սարգսյանի դուստրը` Անի Սարգսյանը, դատի էր տվել ՀՀ գլխավոր դատախազությանը։ Նշվում է, որ Սարգսյանը դիմել է դատարան` պահանջելու վերացնել ապօրինի ծագում ունեցող գույքի բռնագանձման գործերով վարչության դատախազ Տ. Դավթյանի կողմից 2020–ի հոկտեմբերի 7-ին կայացված «Հայցվորին պատկանող գույքի առնչությամբ ուսումնասիրություն սկսելու մասին» որոշումը։

Անի Սարգսյանը, ինչպես նաև նրա հայրը՝ Լևոն Սարգսյանն ու եղբայրը՝ Նարեկ Սարգսյանը, մեղադրվում են ապօրինի հարստանալու և հայտարարագրման ենթակա գույքը թաքցնելու համար։ Լևոն Սարգսյանի նկատմամբ հետախուզում էր հայտարարվել, խափանման միջոց էր ընտրվել կալանավորումը, Անի Սարգսյանի ու Նարեկ Սարգսյանի դեպքում՝ ստորագրություն չհեռանալու մասին։ 2021-ի հուլիսին Անի Սարգսյանը հրավիրվել էր դատախազություն։

Ք.Մ.

Մանրամասները՝ տեսանյութում