Ռուսաստանի Դաշնությունում կորոնավիրուսային վարակի նոր դեպքերի օրական աճը կազմել է 34 303, սա նոր առավելագույն ցուցանիշն է ամբողջ համավարակի ընթացքում. մեկ օրում մահացել է 997 հիվանդ:
Ինչպես գրում է kommersant.ru-ն, այս մասին հետևում է կիրակի օպերատիվ շտաբի հրապարակած տվյալներից:
Կիրակի հայտնաբերված վարակի դեպքերը 1095-ով ավելի են, քան նախորդ օրը, երբ հաղորդվել էր 33 208 դեպքի մասին: Աճը նկատվում է ՌԴ գրեթե բոլոր մարզերում:
Ընդհանուր առմամբ, համավարակի ընթացքում Ռուսաստանում գրանցվել է կորոնավիրուսային վարակի 7 992 687 դեպք, մահացել է 223 312 մարդ:
.gif)
