ՏԵՍԱՆՅՈՒԹ. Ովքեր կարող են օդանավակայաններում տաքսի ծառայություն մատուցել. նոր փոփոխություն

Օդանավակայանների տարածքում տաքսի ծառայություններ մատուցելու համար նոր կարգ կսահմանվի: Կառավարությունը հանդես է եկել նոր նախաձեռնությամբ, որով ցանկանում են փոփոխություն կատարել «Ավտոմոբիլային տրանսպորտի մասին» ՀՀ օրենքում:

Մասնավորապես, նոր օրենքով կսահմանվի, որ

• օդանավակայանների տարածքներում տաքսի ծառայությունների մատուցումն իրականացվում է տաքսու կայանատեղերից, կամ տրանսպորտային միջոցների կանգառի համար նախատեսված վայրերից՝ ուղեւորների կողմից իրականացված պատվերներով:
• Օդանավակայանների տարածքի տաքսու կայանատեղերից ծառայություն կարող են մատուցել միայն «Ա» տիպի լիցենզիա ունեցող կազմակերպություններն ու անհատ ձեռնարկատերերը:
• Օդանավակայանի տաքսի ծառայության լիցենզիա տրվում է միայն այն կազմակերպություններին եւ անհատ ձեռնարկատերերին, որոնք ունեն մինչեւ յոթ տարեկան, սպիտակ հիմնագույնի, գործարանային վառելիքային համակարգով շահագործվող, «Աէրոտաքսի» գրառմամբ եւ տաքսու շախմատաձեւ տարբերանշանով արտաքին ու սույն հոդվածի 2-րդ մասի «ա» եւ «գ» կետերի պահանջներին համապատասխան ներքին կահավորում ունեցող ավտոմոբիլներ:»:

Բացի այդ,

1. Ա տիպի լիցենզիայի պետական տուրքը կազմակերպությունների եւ անհատ ձեռնարկատերերի համար սահմանվում է տարեկան 200000 դրամ:

2. Սահմանվում են օդանավակայանի տաքսի ծառայություն մատուցող տրանսպորտային միջոցների կահավորմանը, արտաքին տեսքին եւ տարիքին ներկայացվող պահանջները:

3. Կանոնակարգվում է օդանավակայանների տարածքում մարդատար-տաքսի ավտոմոբիլների փոխադրումների գործընթացը:

4. Սահմանվում է վարչական տույժ խախտումների դեպքում:

Ն.Հ.