Մարիամ Մելքումյանը նշանակվել է արդարադատության նախարարի մամուլի խոսնակ

ՀՀ Արդարադատության նախարար Կարեն Անդրեասյանի հրամանով՝ Մարիամ Մելքումյանը նշանակվել է նախարարի մամուլի խոսնակ:

Մարիամ Մելքումյանը 2010-2014թթ. ընդունվել և գերազանցությամբ ավարտել է Երևանի Հյուսիսային համալսարանի ժուռնալիստիկայի ֆակուլտետը:

2013-2014թթ. սովորել և ավարտել է Կանանց լիդերության դպրոցը:

2014թ.-ից թղթակցել է WomenNet.am կայքին ու «Կինը և քաղաքականությունը» թերթին:

2016թ.-ից աշխատել է Shabat.am լրատվական կայքում՝ սկզբում որպես լրագրող, հետո՝ խմբագիր:

2021թ.-ից Եվրոպական միության կողմից ֆինանսավորվող «Քաղաքացիական հասարակության ճկունություն և կայունություն» ծրագրի շրջանակում իրականացվող «Ապատեղեկատվությանը հակազդելու արագ արձագանքման դրամաշնորհներ լրատվամիջոցներին ու քաղաքացիական հասարակության կազմակերպություններին» (ՔՀԿ) ծրագրի ընթացքում իրականացրել է լրագրողական գործունեություն:

Հիշեցնենք, 2012 թվականից ՀՀ արդարադատության նախարարության մամուլի խոսնակի պաշտոնը զբաղեցնող Լուսինե Մարտիրոսյանը երեկ հայտնել էր, որ դադարեցնում է նախարարությունում իր գործունեությունը՝ այլ աշխատանքի անցնելու կապակցությամբ: