Մարդու իրավունքների պաշտպանի պաշտոնում ՔՊ-ն առաջադրել է արդարադատության փոխնախարարի թեկնածությունը

«Քաղաքացիական պայմանագիր» խմբակցությունն անցկացրել է հերթական նիստը։

Կուսակցության ֆեյսբուքյան գրառման մեջ նշվում է, որ նիստի ընթացքում, որոշում է կայացվել Մարդու իրավունքների պաշտպանի պաշտոնում առաջադրել Քրիստինե Գրիգորյանի թեկնածությունը։

Նշենք, որ ՀՀ վարչապետի հրամանով՝ 2021 թվականի ապրիլի 6-ից նա զբաղեցնում է ՀՀ արդարադատության նախարարի առաջին տեղակալի պաշտոնը։

Հիշեցնենք, որ դեկտեմբերի 6-ին լրանում է ՄԻՊ թեկնածուի առաջադրման ժամկետը: ՄԻՊ առաջադրելու իրավասությունը պատկանում է խորհրդարանական մեծամասնությանը՝ ՔՊ-ին:

Սևակ Վարդումյան