ՏԵՍԱՆՅՈՒԹ. «Սափեյանի ցավը տանեմ, ինքը հաղթած ա». ում են ընտրելու թալինցիները

«Բոլոր ճանապարհները տանում են դեպի Թալին». Թալին խոշորացված համայնքի «Քաղաքացիական պայմանագիր» կուսակցության թեկնածու Տավրոս Սափեյանի թիմակիցներն են ասում՝ վստահեցնելով, որ Սափեյանի ընտրվելուց հետո կյանքը Թալինում առաջվանը չի լինելու: Ի տարբերություն նախորդ 30 տարիների, համեմատում են, Թալինում զարգանալու է կրթությունն ու մշակույթը, արվեստն ու սպորտը:

Դեկտեմբերի 5-ի ՏԻՄ ընտրություններին ընդառաջ՝ Տավրոս Սափեյանի թիմը աջակիցների, ավագանու անդամների ու ԱԺ նախկին ու ներկա պատգամավորների ներկայությամբ, քարոզարշավի վերջին օրը Թալինի հրապարկում էր ամփոփում:

ՔՊ-ն ներկայացնող Տավրոս Սափեյանի համակիրները նրա մասին խոսելիս ու կարծիք արտահայտելիս առաջին բանը, որ ասում են՝ հետևյալն է՝ Արցախյան երեք պատերազմների մասնակից է: Շարունակում են՝ բարի մարդ է, ժողովրդական ու հայրենասեր:

ArmLur.am-ի հետ զրույցում Տավրոս Սափեյանը նշում է, որ խոշորացված համայնքը ղեկավարելու բեռը մեծ պատասխանատվությամբ է պատրաստ տանելու: Վստահ է՝ քաղաքացիները տեսել են իր՝ երեք ամսվա մեջ կատարած աշխատանքը, հետևաբար այսօր գիտեն նաև՝ ում վստահել իրենց քվեն:

Սևակ Վարդումյան, Հովսեփ Հովսեփյան

Մանրամասները՝ տեսանյութում