Վարդենիսի նորընտիր ավագանին այսօր իր առաջին նիստը պետք է գումարել, սակայն այն դեռ չսկսված տեղի ունեցավ վիճաբանություն ավագանու անդամների միջև:
Նշենք, որ դեկտեմբերի 5-ին կայացած ՏԻՄ ընտրություններում այս համայնքում «Քաղաքացիական պայմանագիր»-ը ստացել էր 13 մանդատ, «Ահարոն Խաչատրյան» դաշինքը՝ 10, «Միասնական Վարդենիս»-ը՝ 4 մանդատ։ Ընդդիմադիր ուժերն ընտրություններից հետո կոալիցիա կազմելու հուշագիր էին ստորագրել, եւ մանդատների քանակն արդեն բավարարում էր համայնքապետ ընտրելու համար։
Նիստից առաջ միջադեպ գրանցվեց համայնքապետի ժամանակավոր պաշտոնակատար Արամ Մելքոնյանի, որը նաեւ ՔՊ թեկնածուն է և ««Ահարոն Խաչատրյան» դաշինքից Կարեն Մկրտչյանի միջեւ:
Արամ Մելքոնյանը հեռացավ համայնքապետարանից, սակայն հավաստիացրեց, որ ՔՊ-ն թեկնածու առաջադրելու է: Նկատենք՝ 27 հոգանոց ավագանիում ՔՊ-ն ունի 13 մանդատ, ինչը բավարար չէ համայնքապետ ընտրվելու համար:
.gif)
