Վարդենիսի համայնքապետարանի բակում տեղի ունեցավ «Միասնական Վարդենիս» և «Ահարոն Խաչատրյան» ընդդիմադիր կուսակցությունների կողմից ընտրված համայնքապետ Ահարոն Խաչատրյանի երդման արարողությունը: ArmLur.am-ի թղթակիցը հայտնում է, որ համայնքապետարանի շենքի մոտ ոստիկանական ուժեր էին կուտակվել, որոնք թույլ չէին տալիս ավագանու անդամներին, այդ թվում՝ ընդդիմադիր Ահարոն Խաչատրյանին, որն ընտրվել է որպես համայնքապետ, մուտք գործել աշխատանքի վայր:
Ոստիկանության ծառայողները պարզաբանել են, թե հայցադիմում կա ներկայացված Վարչական դատարան, որով վիճարկվում են ընտրությունների արդյունքները: Փաստաբան Վարազդատ Հարությունյանը լրագրողների հետ զրույցում նշեց, որ 2021 թվականի դեկտեմբերի 30-ին Վարդենիսի ավագանին անցկացրել է առաջին նիստը, որի ընթացքում կայացվել է երեք որոշում, որոնցից մեկով ընտրվել է համայնքապետ և նշանակվել է երդմնակալության արարողություն:
Ընդդիմությունը որոշում կայացրեց երդման արարողությունը անցկացնել բակում: Հավելենք, որ ավագանու ՔՊ անդամները չէին մասնակցում երդմնակալության արարողությանը:
.gif)
