ArmLur.am-ը հետաքրքիր զրույց է ունեցել երգչուհի Անետտա Աղաբեկյանի հետ:
-Անետտա՛, ինչպե՞ս դիմավորեցիք 2022 թվականը, որտեղ և ինչքան գումար ծախսեցիք Ամանորին:
– Ամանորը դիմավորել եմ աշխատանքային միջավայրում՝ բեմում։ Աշխատածս գումարով նվերներ եմ գնել հարազատներիս և ընկերներիս համար։ Ավելացնեմ նաև, որ Ամանորը իմ ամենասիրելի տոներց մեկն է։
– Ի՞նչ սպասելիքներ ունեք այս տարվանից։
-Սպասելիքներս մեծ են, քանի որ առաջիկայում ունեմ նոր երգեր, նոր մտքեր, որոնք պետք է կյանքի կոչեմ։
– Այս Ամանորն ինչո՞վ առանձնացավ Ձեզ համար։
– Ամանորն այս տարի ինձ համար յուրահատուկ էր, որովհետև Ամանորի գիշերը՝ աշխատանքիս ընթացքում, վայելեցի հանդիսատեսիս սերն ու ջերմ ընդունելությունը։
– 2021 թվականը երեք բառերով նկարագրելու համար ի՞նչ բառեր կընտրեիք:
-Ձեռքբերումներ, հույզեր և առաջընթաց:
-Ո՞ր բառով կբնորոշեք ձեր նախորդ տարվա ընդհանուր հոգեվիճակը՝ ուրախություն, հետաքրքրասիրություն, ձանձրույթ, հոգնածություն և այլն…
-Աշխատասիրություն:
– Ո՞ւմ կամ ինչի՞ հանդեպ եք ամենից շատ ձեզ երախտապարտ զգում:
-Երախտապարտ եմ իմ Աստծուն ինձ ընձեռած շնորհի համար։
– Ամենամեծ դասը, որ ստացել եք 2021 թվականին:
-Ամենամեծ դասը այն էր, որ սկսեցի տարբերակել իմ լավն ու վատը ցանկացող «ընկերներիս»։
– Արե՞լ եք այս տարի ինչ-որ բան առաջին անգամ եւ ի՞նչ:
-Առաջին անգամ այս տարի Սուրբ Ծննդյան ավանդական ուտեստներն եմ իմ ձեռքով պատրաստել։
– Ո՞րն է եղել տարվա ընթացքում ձեր ստացած ամենաթանկարժեք նվերը:
-Ամենաթանկարժեք նվերը տարվա ընթացքում համարում եմ երգարվեստում իմ նոր ձեռքբերումները:
Զրուցեց Լիդա Եղիազարյանը
.gif)
