Կորոնավիրուսով հիվանդանալուց հետո մարդու եղունգները կարող են ավելի փխրուն դառնալ, ինչը հետքովիդյան անսովոր և հազվագյուտ ախտանիշ է։ Այս մասին URA.RU-ին ասել է համաճարակաբան, բժշկական գիտությունների թեկնածու Նիկոլայ Կրյուչկովը։ «Այս ախտանիշն ավելի շատ հետքովիդյան է, Covid-ով վարակվելու ժամանակ այդ մասին չեմ լսել: Ցան կարող է լինել մաշկի վրա։ Covid-ի և հետքովիդյան ավելի առաջադեմ փուլում կարող է լինել նաև մազաթափություն։ Ավելին, այն կարող է պահպանվել երկար ժամանակ։ եղունգները փխրուն կլինեն, բայց ես չեմ լսել, որ սա ամենասուր վարակի ախտանիշ է»,- ասել է Նիկոլայ Կրյուչկովը։
Համաճարակաբանի խոսքով՝ այս երեւույթը կարող է կապված լինել տեղային արյան շրջանառության նվազման հետ։ «Կարծում եմ՝ սրանք իշեմիայի հետևանքներն են։ Ինչու են մազերը թափվում: Հավանաբար մազի ֆոլիկուլների թերսնուցում է առաջանում, նույնը եղունգների դեպքում է։ Բանն այն է, որ եղունգները հաճախ փոխվում են այլ պաթոլոգիական վիճակներում, այդ թվում և իշեմիայի հետ կապված: Օրինակ, խրոնիկ շնչառական անբավարարության դեպքում եղունգների վրա ևս լինում են ախտանիշներ»,- պնդում է մասնագետը։
Նա ընդգծել է, որ դա ամենատարածված ախտանիշը չէ։ Մասնագետը պարզաբանել է, որ այդ հետևանքը հավերժ չի մնում մարդու մոտ։ «Դա սովորաբար տևում է մի քանի շաբաթից մինչև մի քանի ամիս»:
Ս․ Հ․
.gif)
