Մակրոնը Պուտինի հետ հեռախոսազրույց կունենա

Ֆրանսիայի նախագահ Էմանուել Մակրոնը նախատեսում է կիրակի օրը զանգահարել իր ռուս գործընկեր Վլադիմիր Պուտինին։ Այս մասին շաբաթ օրը հայտնել է BFM հեռուստաալիքը՝ հղում անելով Ելիսեյան պալատին։

«Մակրոնը Պուտինին կզանգի վաղը Փարիզի ժամանակով 11:00-ին (Մոսկվայի ժամանակով 13:00-ին)»,- ասվում է հեռուստաալիքի հաղորդագրության մեջ:

Շաբաթ օրը ավելի վաղ ՌԴ նախագահի մամուլի խոսնակ Դմիտրի Պեսկովը ՏԱՍՍ-ին հայտնել էր, որ Մակրոնի հետ հեռախոսազրույցը Պուտինի փետրվարի 20-ի գրաֆիկում է։