Հետազոտելով AstraZeneca պատվաստանյութով պատվասված ավելի քան 21 մլն բրիտանացիների՝ գիտնականներն եկել են այն եզրահանգման, որ կորոնվիրուսային պատվաստանյութը թրոմբոզի (մակարդուկի) միայն մեկ տեսակ կարող է զարգացնել: Այս մասին գրում է ռուսական ТАСС լրատվական գործակալությունը՝ իր հերթին հղում անելով «PLoS Medicine» գիտական ամսագրին, որտեղ էլ հենց տպագրվել է բժշկական հոդվածը:
«Թրոմբոզի այդ տեսակը ախտահարում է պացիենտի գանգուղեղային նյարդերը: Պատվաստվելուց հետո մակարդուկ հազվադեպ է գոյացել, այն էլ տարեց անձնաց շրջանակում»,- ամսագրին տված հարցազրույցում ասել է հետազոտության մասնակից, Էդինբուրգի համալսարանի գիտաշխատող Ուիլյամ Ուայթլին:
Հիշեցնենք, որ նախորդ տարվա ապրիլ ամսին ԶԼՄ-ները գրեցին, որ AstraZeneca (այնուհետ Johnson & Johnson) պատվաստանյութով պատվաստվելուց հետո պացիենտնеրի մոտ մակարդուկներ են գոյացել: Մամուլի հրապարակումներն, ի դեպ, առիթ եղան, որպեսզի մի շարք երկրներ ժամանակավորապես դադարեցնեն վերոնշյալ պատվաստանյութերի կիրառությունը:
Ս.Վ.
.gif)
