Նիկոլ Փաշինյանը եւ Վլադիմիր Պուտինը հեռախոսազրույց են ունեցել

ՀՀ վարչապետ Նիկոլ Փաշինյանը եւ ՌԴ նախագահ Վլադիմիր Պուտինը հեռախոսազրույցի ընթացքում քննարկել են հայ-ադրբեջանական սահմանին կայունության և անվտանգության ապահովման հարցեր, հայտնում է Կրեմլը։

«Շարունակվել է մտքերի փոխանակությունը Լեռնային Ղարաբաղի վերաբերյալ եռակողմ հայտարարություններում ամրագրված պայմանավորվածությունների կատարման գործնական ասպեկտների շուրջ՝ ներառյալ հարցեր, որոնք առնչվում են հայ-ադրբեջանական սահմանին կայունությանը և անվտանգությանը»,- ասված է հաղորդագրության մեջ։

Անդրադարձ է կատարվել նաև երկկողմ օրակարգի որոշ արդի հարցերի։