Ռուս-ուկրաինական պատերազմի հանգուցալուծման համար կողմերի բանակցությունները տեղի չեն ունենա այն վայրում, որտեղ հիմա գտնվում է ՌԴ պատվիրակությունը: Այս մասին հայտնում է ՏԱՍՍ-ը, հղում անելով Ուկրաինայի պատվիրակության անդամ Դավիդ Արախամիային: Նա նշել է. « Բանակցությունները տեղի կուեննան, բայց ոչ Բելառուսի Բելովեժսկայա պուշչայում: Մանրամասները ավելի ուշ»:
Սակայն, ռուսական պատվիրակությունն արդեն ժամանել է Բելովեժսկայա պուշչա , որտեղ երեկ նաեւ զրուցել են լրագրողների հետ: Ժամանելուց հետո ՌԴ պատվիրակության ղեկավար Վլադիմիր Մեդինսկին հայտնել է, որ Ռուսաստանի Դաշնության ներկայացուցիչները սպասում են ուկրաինական պատվիրակությանը մարտի 3-ին։ Նրա խոսքով՝ Ռուսաստանն ու Ուկրաինան համատեղ են ընտրել բանակցությունների վայրը։ Բելառուսի արտաքին գործերի նախարարությունն էլ հայտարարել է, որ Բելովեժսկայա Պուշչայում բանակցությունների երկրորդ փուլի մասնակիցները կհյուրընկալվեն Որսորդի տանը։
Ի պատասխան այս հայտարարությունների՝ Կիևի պատվիրակության անդամներից մեկը՝ Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը կոչ է արել սպասել «երկխոսության իրական մեկնարկին»։
.gif)
