Միացյալ Նահանգները չի ձգտում երկրորդ սառը պատերազմի, սակայն Ռուսաստանին կոչ Է անում անսալու մնացած աշխարհի կարիքին Ուկրաինայի շուրջ ստեղծված իրադրությունում: Մարտի 3-ին այս դիրքորոշումն Է հայտնել քաղաքական գործերով ԱՄՆ-ի պետքարտուղարի տեղակալ Վիկտորյա Նուլանդը ՏԱՍՍ-ին տված հարցազրույցում, տեղեկացնում Է «Արմենպրես»-ը:
«Ոչ ոք նոր սառը պատերազմ չի ցանկանում»,- հավաստիացրել Է արտաքին քաղաքական գերատեսչության ղեկավարի տեղակալը՝ պատասխանելով այն հարցին, թե ԱՄՆ-ի վարչակազմի տեսակետով ընթացիկ փուլում ուր են շարժվում միջազգայն հարաբերությունները:
«Սակայն Ռուսաստանը պետք Է անսա աշխարհրի կարծիքին: ՄԱԿ-ում երեկ (մարտի 2-ին) դատապարտեցին Ռուսաստանի ագրեսիան Ուկրաինայի դեմ»,- ասել Է դիվանագետը: Նա նկատի ուներ հատուկ նստաշրջանի շրջանակներում ՄԱԿ-ի Գլխավոր ասամբլեայի ընդունած բանաձեւն Ուկրաինայում ՌԴ-ի գործողության դատապարտմամբ: Գլխավոր ասամբլեայի որոշումները պարտադիր իրավաբանական ուժ չունեն: Բանաձեւի օգտին քվեարկել են 141 երկրների ներկայացուցիչներ, դեմ՝ հինգ պետություն, ձեռնպահ Է մնացել 35-ը:
Նրա խոսքով՝ ԱՄՆ-ը պահպաում Է ՌԴ-ի հետ բանակցությունների պատրաստակամությունը Եվրոպայում անվտանգության, այդ թվում Ուկրաինայի շուրջ նրա առաջադրած հարցերի վերաբերյալ: «(…) Մենք մի քանի ամսվա ընթացքում փորձեցինք խոսել Ռուսաստանի հետ անվտանգության ոլորտում նրա անհանգստությունների մասին՝ նոյեմբերին, դեկտեմբերին, հունվարին եւ փետրվարին: Եվ մենք տակավին պատրաստ ենք խոսելու Ռուսաստանի հետ»,- նշել Է պետքարտուղարի տեղակալը, հաղորդել Է ՏԱՍՍ-ը:
.gif)
