Ոստիկանության Արմավիրի բաժնի համայնքային ոստիկանները ստացած օպերատիվ տվյալների իրացման շրջանակներում, Նորապատ գյուղի 5-րդ փողոցում զննության են ենթարկել «Նիսան Իքս Տերրա» մակնիշի մեքենան: Այս մասին տեղեկացնում է ՀՀ ոստիկանությունը:
Մեքենայի հետևի նստելատեղի տեսանելի վայրից հայտնաբերվել է «ՄՌ-153» տիպի 12 մմ տրամաչափի որսորդական ողորկափող մեկփողանի հրացան, իսկ բեռնախցիկի տեսանելի վայրից՝ 40 տափաստանային արտույտ:
Վարորդը հայտնել է, որ հրացանը իրենն է, իսկ թռչունները որսացել է Քարակերտ գյուղի դաշտերից:
Փաստով նյութեր են նախապատրաստվում:
.gif)
