Երկրաշարժ Վրաստանում

Երկրաշարժ է տեղի ունեցել Արևմտյան Վրաստանում։ Ազգային սեյսմոլոգիական կենտրոնի տվյալներով՝ ցնցումները գրանցվել են Թբիլիսիի ժամանակով 16:25-ին։

4,7 մագնիտուդով երկրաշարժի էպիկենտրոնը գտնվել է Վանի շրջանի Սուլորի գյուղի մոտ։

Սեյսմոլոգիական մոնիթորինգի կենտրոնի հաղորդագրության մեջ նշվում է, որ էպիկենտրոնը գտնվում է Սուլորիից 5 կմ, մարզկենտրոն Վանի քաղաքից 11 կմ հեռավորության վրա։

Երկրաշարժի հիպոկենտրոնը գտնվել է 5 կմ խորության վրա։

Ավերածությունների մասին հաղորդումներ չեն ստացվել։

Հիշեցնենք, փետրվարի 13-ին 6,2 մագնիտուդով երկրաշարժ էր տեղի ունեցել Վրաստանում։ Երկրաշարժի էպիկենտրոնը եղել է Հայաստանի հետ սահմանամերձ Սամեբա գյուղը՝ Թբիլիսիից 80 կիլոմետր հեռավորության վրա։