Ադրբեջանցիների կողմից տեղային բախումներ սադրելու հավանականությունը բավական մեծ է, ինչի մասին վկայում է հակառակորդի զինտեխնիկայի շարժը, դրանց կուտակումները կամ ադրբեջանական լրատվամիջոցներում տեղ գտած տեղեկատվությունը:
Ռազմական փորձագետ Վիտալի Մանգարսայանի փոխանցմամբ՝ ադրբեջանցիները պատերազմից հետո սահմանային տարբեր հատվածներում հատուկ նշանակության ստորաբաժանումներ են կազմավորել ու զորամասեր ձևավորել: Դրանք Թուրքիայում վերապատրաստում անցնելուց հետո տեսական գիտելիքները նաև գործնակնում են կիրառում հայ-ադրբեջանական կամ արցախա-ադրբեջանական սահմանին:
Ինչ վերաբերում է բանակի վերակազմավորմանը, ապա ռազմական փորձագետը համաձայնում է՝ 44-օրյա պատերազմից հետո Հայաստանի Զինված ուժերը, այո, մեջքն ուղղելու կարիք ունեն, բայց նույն՝ ռեաբիլիտացիոն փուլում է նաև ադրբեջանական զորքը ու դա է պատճառը, որ Ադրբեջանը կխուսափի լայնամասշտաբ պատերազմից, բայց տարբեր ուղղություններով, օրինակ, դիվերսիոն հարձակումները չեն բացառվում:
Զրույցի մանրամասները՝ տեսանյութում:
Սևակ Վարդումյան, Հովսեփ Հովսեփյան
.gif)
