Հրդեհ Ստեփանակերտում․ մասնակի այրվել է ավտոմեքենա

Մարտի 25-ին ժամը 13:16-ին ԱԻ պետական ծառայության 911 ահազանգման կենտրոնում հաղորդում է ստացվել, որ Ստեփանակերտ քաղաքի Վ.Սարգսյան 24 հասցեում հրդեհ է բռնկվել՝ կայանված ավտոմեքենայից ծուխ է ելնում:

Ժամը 13:17-ին փրկարար ուժերի վարչության հրշեջ փրկարար մասից մեկ մարտական հաշվարկ՝ հրշեջ մեքենայով մեկնել է դեպքի վայր:
Հրդեհը մեկուսացվել է ժամը 13:30-ին, մարվել` ժամը 13:32-ին:

Հրդեհի հետևանքով ամբողջությամբ այրվել է «Օպել» մակնիշի ավտոմեքենայի շարժիչի խցիկը:
Դեպքի առթիվ ստուգում է իրականացնում պետական հրդեհային և տեխնիկական անվտանգության տեսչությունը: