Արցախի Փառուխ գյուղում իրավիճակը շարունակում է նույնը մնալ: Այս մասին ArmLur.am-ի հետ զրույցում հայտնեց Արցախի «Արդարություն» խմբակցության պատգամավոր Մետաքսե Հակոբյանը:
Երեկվանից, նշենք, լրատվամիջոցները, հղում անելով Ռուսաստանի պաշտպանության նախարարության տարածած հաղորդագրությանը, գրել էին, թե ադրբեջանցիներն ամբողջովին դուրս էին եկել գյուղից: Դրան հաջորդել էր Ադրբեջանի պաշտպնության նախարարության հերքող հայտարարությունը, թե իրենց զորքերը շարունակում են վերահսկողության տակ պահել Փառուխը:
Պատգամավոր Հակոբյանն ասում է, որ ՌԴ ՊՆ-ի տարածած հաղորդագրության սխալ մեկնաբանությունն է մեզ շփոթի մեջ գցել: «Պարզապես այժմ խաղաղ է, կրակոցներ չկան »,- նշում է պատգամավորը:
Ըստ ռուսական կողմի՝ զորքերը ոչ թե լքել են Փառուխը, այլ որոշ ստորաբաժանումներ լքել են գյուղի հարակից տարածքը:
Նշենք, որ պաշտոնական Երևանն էլ այսօր՝ մարտի 28-ին, հայտարարություն է տարածել՝ հաստատելով, որ ադրբեջանական զորքերը շարունակում են Փառուխում գտնվել:
«Այսուհանդերձ, ստիպված ենք արձանագրել, որ ադրբեջանական ստորաբաժանումների ներխուժումը Լեռնային Ղարաբաղում Ռուսաստանի Դաշնության խաղաղապահ զորախմբի պատասխանատվության գոտի շարունակվում է»,- ասված է հաղորդագրության մեջ
Քիչ առաջ էլ Արցախի տեղեկատվական շտաբից հայտնեցին.
Սևակ Վարդումյան
.gif)
