«Ռուս խաղաղապահ զորախմբի հրամանատարությունը որոշել է խաղաղապահների ռեզերվներից հավելյալ ուժեր առաջ քաշել՝ ադրբեջանական զորքերի հետագա առաջխաղացումը արգելափակելու համար»,- հայտարարությունը հրապարակված է Լեռնային Ղարաբաղում առաքելություն իրականացնող ռուս խաղաղապահների պաշտոնական տելեգրամյան ալիքում:
Հայտարարությանը կից հրապարակվել են լուսանկարներ, որտեղ երևում են տասնյակ խաղաղապահներ՝ տանկերի վրա, ծառայություն իրականացնելիս:
Խաղաղապահ առաքելությունը հիշեցնում է, որ մարտի 24-ին ադրբեջանական զինուժը հատել է շփման գիծը՝ Փարուխ բնակավայրի ավերակների տարածքում, որով խախտել է եռակողմ հայտարարության առաջին կետը։
«Ներկայումս բնակավայրը գտնվում է ռուս խաղաղապահ ուժերի վերահսկողության ներքո: Որտեղ մենք ենք, այնտեղ խաղաղություն է»,-նշված է հայտարարության մեջ:
.gif)
