Հունգարիան ռուսական գազի դիմաց կվճարի ռուբլով

Հունգարիայի արտաքին գործերի նախարար Պետեր Սիարտոն հայտարարել է, որ Բուդապեշտը մտադիր է ռուսական գազի դիմաց վճարել ռուբլով: «Արմենպրես»-ի հաղորդմամբ՝ այս մասին տեղեկացնում է «ՌԻԱ Նովոստի»-ն՝ հղում կատարելով «Ռոյթերս»-ին:

«Մենք լուծում ունենք, որը չի խախտում ոչ մի պատժամիջոց, բայց միևնույն ժամանակ ապահովում է Հունգարիայի գազամատակարարումը»,- ասել է նախարարը:

Սիարտոն նաև ընդգծել է, որ Հունգարիան կախված է ռուսական նավթից և գազից։