Արմեն Փամբուխչյանը նշանակվեց նախարար

Արտակարգ իրավիճակների փոխնախարար Արմեն Փամբուխչյանը նշանակվել է Արտակարգ իրավիճակների նախարար։

Այս մասին հրամանագիրը ստորագրել է ՀՀ նախագահ Վահագն Խաչատուրյանը․«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.

Արմեն Փամբուխչյանին նշանակել արտակարգ իրավիճակների նախարար»:

Հիշեցնենք, որ ԱԻ նախկին նախարար Արդրանիկ Փիլոյանը կալանավորված է։ Ժողովուրդ օրաթերթն այս նշանակման մասին գրել էր օրաթերթի այսօրվա համարում։