Այսօր Քաղաքացու օրն է։ Հեղափոխությունից մեկ տարի անց Փաշինյանի թիմակիցները «Տոների եւ հիշատակի օրերի մասին» օրենքում լրացում կատարեցին՝ սահմանելով Քաղաքացու օր տոնը։ Որոշվեց այն նշել ապրիլ ամսվա վերջին շաբաթ օրը։ Այս տարի Քաղաքացու օրն ապրիլի 30-ին է։ Միայն մեկ տարի է իշխանությունը մեծ շուքով նշել Քաղաքացու օրը՝ Մաշտոցի պողոտայում խորոված անելով եւ մի շարք այլ միջոցառումներով, որոնք կրում էին «Միտքդ վառ պահիր» խորագիրը:
2020 թվականին տոնը չնշվեց՝ կորոնավիրուսի համավարակի պատճառով: 2021-ին էլ այդ օրը համընկավ Ցեղասպանության զոհերի հիշատակի օրվա՝ ապրիլի 24-ի հետ, եւ որոշվեց այն նշել ապրիլի 25-ին։ Այդ օրը նշանավորվեց նրանով, որ վարչապետ Նիկոլ Փաշինյանը հրաժարական ներկայացրեց, որպեսզի հունիսի 20-ին արտահերթ խորհրդարանական ընտրություններ անցկացնելու որոշումը կյանքի կոչվեր։
Սակայն այսօր որևէ միջոցառում նախատեսված չէ, եւ Փաշինյանը բավարարվել է միայն շնորհավորական ուղերձ հղելով:
Մանրամասները՝ տեսանյութում
.gif)
