ՏԵՍԱՆՅՈՒԹ. Հակակոռուպցիոն կոմիտեի նախագահի եղբոր դեպքով նախարարությունում կաշկանդված չեն

ArmLur.am-ը գրել էր, որ Դատապարտյալների հիվանդանոց ՔԿՀ նախկին պետի գործը դատարանում է ,սակայն ուշագրավն այն է, որ նրան այս դեպքից հետո ոչ թե ազատեցին, այլ ՔԿ ծառայությունում շտաբի պետի պաշտոնում նշանակեցին: Իսկ թե ինչու այդպես ստացվեց, իրականում շան գլուխը թաղված է այլ տեղ:

ArmLur.am-ը գրել էր, որ մեր տեղեկություններով ՀՀ գլխավոր դատախազությունը ստացել է ՀՀ վերաքննիչ քրեական դատարանի որոշումը, որով դատարանը հրաժարվեց կալանավորել Հակակոռուպցիոն կոմիտեի նախագահ Սասուն Խաչատրյանի հորաքրոջ որդուն, որը դատապարտյալների հիվանդանոցի բանտապետն է: Արդյունքում ՀՀ գլխավոր դատախազության հանրային կապերի բաժնից հայտնեցին, որ ՀՀ Վերաքննիչ դատարանի որոշման դեմ բողոք են ներկայացրել Վճռաբեկ դատարան, որն էլ դեռ օդում կախված է մնացել:

Ու մինչ Ազգային անվտանգության ծառայությունն ու դատախազությունը պայքարում են «Դատապարտյալների հիվանանոց» ՔԿՀ պետ Արտակ Սարգսյանին կալանավորելու հարցում, ArmLur.am-ին իրավապահների ներքին պայքարից ուշագրավ մանրամասներ են հայտնի դարձել:

Մասնավորապես, իրավապահ համակարգը խիստ զայրացել է, թե ինչ են անում դատարանները քրեական գործով եւ ինչպես են ատամները սրած փորձում ամեն կերպ փրկել «Դատապարտյալների հիվանանոց» ՔԿՀ պետ Արտակ Սարգսյանին: Դատելով իրավիճակից՝ իրավապահներին չի էլ հաջողվի կալանավորել բանտապետին, քանի որ իրավապահ համակարգում լուրեր կան, որ ԲԴԽ նախագահ Գագիկ Ջհանագիրյանը եւ Հակակոռուպցիոն կոմիտեի նախագահ Սասուն խաչատրայնը միմյանց «ձեռք են սեղմել»: Ասել է թե՝ Գագիկ Ջհանգիրյանը խոստացել է Խաչատրյանին, որ ամեն ինչ կանի՝ նրա հորաքրոջ որդին չկալանավորվի: Եվ հիմա գործը հասնում է Վճռաբեկ դատարան, տեսնենք, թե այնտեղ ինչ կկատարվի: Գագիկ Ջհանգիրյանից անձամբ հետաքրքրվեցինք, թե անձամբ իր գլխավորությամբ չի՞ կալանավորվում դատապարտյալների հիվանդանոցի պետը, ի պատասխան նա հայտնեց, թե նման բան չկա:

Հիշեցնենք, որ հունվարի 20-ին ԱԱԾ-ն բերման էր ենթարկել ու ձերբակալել «Դատապարտյալների հիվանդանոց» քրեակատարողական հիմնարկի պետ Արտակ Սարգսյանին:

Ըստ նախաքննության տվյալների՝ նրա գիտությամբ քրեակատարողական հիմնարկի երկու աշխատակիցներ խոշտանգման էին ենթարկել մեկ անձի: Այս մասով երեքի նկատմամբ էլ կալանքը որպես խափանման միջոց կիրառելու միջնորդություններ էր ներկայացվել դատարան, աշխատակիցների մասով ք բավարարվել էին,իսկ ՔԿՀ պետի մասով դատարանը չէր բավարարել միջնորդությունը: Եվ Դատախազությունը վերաքննիչ բողոք էր ներկայացրել, որը, սակայն, եւս մերժվեց: Ի դեպ, ըստ լուրերի՝ չկալանավորված ՔԿՀ պետ Արտակ Սարգսյանը Հակակոռուպցիոն կոմիտեի նախագահ Սասուն Խաչատրյանի հորաքրոջ որդին է:

Ավելին, Սասուն Խաչատրյանի եղբայրն էլ ԲԴԽ անդամ Դավիթ Խաչատրյանն է, ու թերեւս կարելի է ենթադրել, թե ինչու դատարանը հիմնարկի երկու աշխատակիցներին տարավ կալանքի, իսկ, ահա, ՔԿՀ պետ Արտակ Սարգսյանին համառորեն կալանքի չեն տանում»:

Քնար Մանուկյան, Հովսեփ Հովսեփյան