Մայիսի 24-ին հայտնի դարձավ, որ վաղ առավոտից ընդդիմադիրների աջակիցների բնակարաններում խուզարկություններ են: Մասնավորապես ԱԺ «Պատիվ ունեմ» խմբակցության անդամ Հայկ Մամիջանյանը հայտնել էր, որ վաղ առավոտից խուզարկություն է իրականացվում ՀՀԿ Նոյեմբերյանի շրջանային խորհրդի կազմակերպչի տանը:
Հենց հիմա իշխանության ուղիղ հրամանով խուզարկություն է իրականացվում «Հայրենիք» կուսակցության անդամ Արսեն Նիկողոսյանի բնակարանում: Այս մասին գրել էր «Հայրենիք» կուսակցության խոսնակ Սոս Հակոբյանը:
Այս պահին դավաճանի հրահանգով ոստիկանությունը խուզարկություններ է իրականացնում Տավուշի,Կոտայքի, Գեղարքունիքի մարզերի՝ ՀՅԴ անդամներից շատերի բնակարաններում: Հայտնել էր ՀՅԴ ԳՄ անդամ Իշխան Սաղաթելյանը:
Այսպիսով, ArmLur.am-ին մանրամասներ են հայտնի դարձել, թե կոնկրետ ինչ դեպքով են իրավապահները մտել վերոնշյալ անձանց բնակարաններ եւ ինչ նպատակ են հետապնդել: Մասնավորապես, մեզ հասած տեղեկությունների համաձայն՝ իրավապահները խուզարկությունները կատարել են Ֆրանսիայի հրապարակում վրաններից մեկում տղամարդու մահվան հանգամանքով պայմանավորված:
Բանն այն է, որ ՀՀ ոստիկանապետի տեղեկալ Արա Ֆիդանյանը հայտնել էր, թե փորձաքննությունը ցույց է տվել, որ տղամարդու սրտի կանգը վրա է հասել գերդոզավորման հետևանքով:
Արդյունքում, մեզ հասած տեղեկությունների համաձայն՝ իրավապահները մահացած տղամարդու հետ կապված անձանց բնակարաններում սկսել են խուզարկությունների շարք, սակայն խուզարկությունների արդյունքում հայտնաբերվել է մի քանի փամփուշտներ եւ թմրանյութ. անգամ իրավապահ համակարգում կարծիք են հայտնել, որ խուզարկությունն առանձնապես արդյունք չի տվել, եւ որպես այդպիսին լուրջ բան չեն հայտնաբերել:Ստեղծված իրավիճակի շուրջ զրուցեցինք ԱԺ Հայաստան խմբակցության պատգամավոր Արամ Վարդեւանյանի հետ:
Ք.Մ.
.gif)
