Հովհաննես Բաչկովն ու Արթուր Բազեյանը կպայքարեն տիտղոսի համար

Արթուր Բազեյանն ու Հովհաննես Բաչկովը դուրս եկան Երեւանում անցկացվող բռնցքամարտի Եվրոպայի առաջնության եզրափակիչ։

57 կգ քաշային Արթուր Բազեյանի մրցակիցը բուլղարացի Ջավեր Դիաս Այբանեզն էր: Բազեյանի մենամարտում  մրցավարները երեք ռաունդներում առավելությունը տվեցին հայ բռնցքամարտիկին:

Հովհաննես Բաչկովը 63.5 կգ քաշայինների կիսաեզրափակիչում մրցեց հունգարացի Ռիչարդ Կովաչի հետ եւ 5:0 հաշվով հաղթանակ տարավ։

Հայ բռնցքամարտիկների մասնակցությամբ կիսաեզրափակիչ մենամարտերին մարզադահլիճում հետեւում էր նաեւ վարչապետ Նիկոլ Փաշինյանը տիկնոջ եւ դստեր հետ: