Հունիսի 4-ին ժամը 21։50-ի սահմաններում Արցախի ՆԳՆ Արտակարգ իրավիճակների պետական ծառայության 911 ահազանգման կենտրոնում, միաժամանակ Ոստիկանության ՃՈ օպերատիվ կառավարման կենտրոնում, հաղորդում է ստացվել, որ Առաքելյան փողոցի թիվ 12 հասցեի դիմացի ճանապարահատվածում ճանապարհատրանսպորտային պատահար է տեղի ունեցել:
Բնակչությանն օգնություն ցուցաբերելու նպատակով անմիջապես դեպքի վայր են մեկնել արագ արձագանքման հատուկ ստորաբաժանման հերթապահ օպերատիվ խումը, ոստիկանության ծառայողները, ինչպես նաև շտապ բժշկական օգնության հերթապահ բժիշկների խումբը։
Պարզվել է, որ ժամը 21:45-ի սահմաններում, Ստեփանակերտ քաղաքի 18-ամյա բնակիչ Գ. Ե.-ն, վարելով «Մերսեդես Բենց E 350» ավտոմեքենան, նշված վայրում բախվել է Մարտունի քաղաքի բնակիչ` 28-ամյա Մ. Ա-ի «Մերսեդես Բենց C 180» և մայրաքաղաքի 50-ամյա բնակիչ Վ.Ա-ի վարած «Օպել զաֆիրա» ավտոմեքենաներին, ինչի հետևանքով 3 հոգի ստացել են մարմնական վնասվածքներ։
Փրկարարները հոսանքազրկել են մեքենաները և փակել գազի բալոնի փականները։
Տուժած քաղաքացիները համապատասխան բուժզննումից հետո դուրս են գրվել հիվանդանոցից։
ՃՏ պատահարի ստուգմամբ զբաղվում է ոստիկանության Ստեփանակերտ քաղաքի վարչությունը։
.gif)
